Emaus Gizarte Fundazioaren Upcycling proiektua

Emaus Gizarte Fundazioaren upcycling arloa ehun-hondakinen eta erabiltzen ez diren materialen arazoari erantzun berritzaile eta jasangarria emateko sortu da. Ekimen honen bidez, hondakinak baliabide bihurtzen ditugu, eta, bide batez, sustatu egiten dugu bai enplegu inklusiboa sortzea bai ekonomia zirkularra. 2009az geroztik, hainbat industriatatik etorritako materialak berrerabili ditugu produktu jasangarriak egiteko, kalteberatasun-egoeran dauden pertsonei prestakuntza- eta lan-aukerak eskaintzeaz gainera.

Proiektuaren helburuak

• Ehun-hondakinak eta erabiltzen ez diren beste material batzuk birbaloratzea, ekodiseinuaren bidez beste bizitza bat emanez.
• Ekonomia zirkularra sustatzea, produktuak artisau-eran, modu jasangarrian eta tokian bertan ekoitziz.
• Gizarte-bazterketako egoeran edo horretarako arriskuan dauden pertsonentzako enplegu inklusiboa sortzea eta prestakuntza ematea.
• Ingurumen-inpaktua murriztea, materialak berrerabiliz eta CO2-aren isuriak eta ur-kontsumoa murriztuz.

Garatzeko aukera nagusiak

• Hondakinak produktu jasangarri bihurtzea: Ekodiseinatutako artikuluak sortzea, hala nola motxilak, tote bagak, estutxeak eta erosketa-orgak, berrerabilitako materialak erabiliz.
• Berrikuntza, materialen aprobetxamenduan: PVC materialaz egindako publizitate-banderolak, arrantza-sareak, azoka-moketak, hondartzako toldoak, autobus-forruak eta aurrez zabortegira kondenatutako beste material batzuk erabiltzea.
• Tokiko artisau-ekoizpena: Produktu bakoitza eskuz egiten da, Gipuzkoan, fabrikazio-prozesu arduratsuak eta kalitatezkoak bermatuta.
• Pertsonalizazioa eta trazabilitatea: QR kodea duten etiketak txertatzeko aukera, produktu bakoitzaren historia komunikatzeko.

Onurak eta aplikazioak
2024an zehar:

• Gizarte-inpaktua: enplegu inklusiborako 3.800 ordu baino gehiago sortu dira, eta 460 prestakuntza-ordu.
• Ingurumen-inpaktuaren murrizketa: 4.193 kg material erreskatatu dira, 10.620 kg CO2 isurtzea eragotzi da, eta 2.746.800 litro ur aurreztu dira.
• Kontsumo arduratsuaren sustapena: produktu jasangarriak ekoitzi dira merchandising korporatiborako edo jendeari saltzeko.

Esperotako emaitzak eta GJHekiko lerrokatzea Prozesuaren emaitzak bat datoz Garapen Jasangarrirako Helburuekin, bereziki hauekin:

• 8. GJH: Lan duina eta hazkunde ekonomikoa, enplegu inklusiboa sustatuta.
• 12. GJH: Ekoizpen eta kontsumo arduratsuak, hondakinen sorrera murriztuta eta berrerabilera sustatuta.
• 13. GJH: Klimaren aldeko ekintza, ekoizpen-prozesuen karbono-aztarna minimizatuta.

Ondorioa Emaus Gizarte Fundazioaren upcycling proiektua ekimen eraldatzailea da, jasangarritasuna, gizarteratzea eta ekoizpen arduratsua uztartzen dituena. Ekonomia zirkularraren bidez, erabiltzen ez diren materialei beste bizitza bat ematea lortzen dugu, eta inpaktu positiboa sortzen dugu ingurumenean zein gizartean. Enpresak eta erakundeak ekimen honetara biltzera gonbidatzen ditugu, modu aktiboan lagundu dezaten ekoizpen-eredu jasangarriago eta ekitatiboagoa lortzen.

Interesatzen zaizu? Jasangarritasunarekin konprometitutako erakundea bazara, gure ekimenarekin bat egin dezakezu eta zure hondakinak produktu paregabe eta arduratsu bihurtu:

• Museoak: Berrerabili museoko olanak zure dendarako produktu esklusiboak sortzeko, eta ingurumen-inpaktua murrizteko.
• Enpresak: Bihurtu zure hondakinak opari korporatibo jasangarri, kostuak eta ingurumen-aztarna murrizteaz batera.
• Komunikazio-agentziak: Sortu merchandising pertsonalizatua, zure bezeroen soberako materialak erabiliz.
• Ekitaldien antolatzaileak: Eskaini zure ekitaldietako parte-hartzaileei oroitzapen original eta jasangarriak.
• Beste batzuk: Material berrerabilgarrien bolumen handia sortzen baduzu eta horiekin zer egin ez badakizu, guk lagunduko dizugu.

Aukeratu gehien gustatzen zaizun eredua edo bidali zure ideia, eta neurrira egindako produktu bat prestatuko dugu zure materialarekin, logoarekin eta etiketekin.

Deskargatu gure katalogoa, edo jarri gurekin harremanetan informazio gehiago eskuratzeko.

Jennifer Fernández
Joskintza eta upcycling koordinatzailea – Emaús Gizarte Fundazioa
📩 jennifer.fernandez@emaus.com | 📞 689 563 842

Hitzordua hartu nahi baduzu, gure lana gertuagotik ezagutu, edo egin ditzakezun kolaborazioak aztertzeko, eskertuko dizugu aurretik agendatzea, posta elektronikoz edo telefonoz harremanetan jarrita. Pozik entzungo dizugu!