Emaus Gizarte Fundazioak berrerabiltzea eta birziklatzea bultzatzen du Euskadin, Europaren laguntzarekin

Emaus Gizarte Fundazioak hondakinak tratatzeko ahalmena bikoiztu du Europar Batasuneko Next Generation funtsei esker, Euskadin ekonomia zirkularrarekin eta iraunkortasunarekin duen konpromisoa indartuz. Aurrerapen horren barruan sartzen da Errenterian eta Urnietan instalazioak zabaltzea eta lantegi berriak irekitzea, 2024an 2.000 tona oihal eta 1.243 tona TEEH kudeatu ahal izateko.

Proiektu hau Suspertze, Eraldatze eta Erresilientzia Planaren barruan kokatzen da, eta ahultasun egoeran dauden pertsonentzako kalitatezko enplegua sortzen lagundu du. Izan ere, 2021etik hondakinen kudeaketaren sektorean langileen kontratazioa % 56 handitzea ahalbidetu du.

Hondakinen trazabilitatea hobetzeko teknologia aurreratuan eta digitalizazioan inbertsioak eginez, Fundazioak bere kudeaketa eredua eraldatu eta herritarrak kontsumo arduratsuan hezi nahi ditu.